Gestakennsla

Í Grunnskólanum á Drangsnesi hefur skapast hefð fyrir komu gestakennara sem sjá um kennslu í styttri tíma í tilteknum námsgreinum fyrst og fremst list- og verkgreinum. Björn Kristjánsson tónlistarmaður og kennari hefur kennt tónlist að hausti og vori við skólann og Gerður Kristný Guðjónsdóttir sá um gestakennarasmiðju í skapandi skrifum vorið 2016. Með því að fá gestakennara á sviði list- og verkgreina til starfa við skólann í eina til tvær kennsluvikur á hverju skólaári er fjölbreytni í námi við skólann aukin og nemendum tryggð fagleg og góð kennsla í greinunum. Gestakennsla hefur mælst vel fyrir og er starfsfólk skólans þátttakendur í gestakennslu en hún þjónar einnig þeim tilgangi að kynna nýjar aðferðir í kennslu og fellur því undir endur- og símenntunarþátt kennara.

Gert er ráð fyrir tveimur til þremur gestakennarasmiðjum á skólaárinu 2017-2018 en áherslan í ár verður á sjónlistir og leiklist. Sinéad McCarron hönnuður mun leiða fyrstu gestakennarasmiðju skólaársins í nóvember en hún hefur í rannsóknum sínum og námi við LHÍ lagt áherslu á nýjar og spennandi aðferðir í kennslu og samvinnutækni í sköpun sjá nánar hér http://www.lhi.is/sinead-mccarron