Starfsmaður óskast!

Grunnskóli Drangsness auglýsir eftir starfsmanni í 45% starf í Skólaseli og frá og með 15. ágúst 2020 til 1. júní 2021. Um tímabundið starf er að ræða.

Í Skólaseli er boðið upp á skóladagvist fyrir yngstu nemendur skólans
(1.-3. bekkur) frá því að skóla lýkur og til kl. 16:00 alla virka daga nema föstudaga. Starfsmaður Skólasels mótar dagskrá selsins í nánu samstarfi við skólastjóra, umsjónarkennara yngstu deildar, börn og foreldra.

Menntunar- og hæfniskröfur:

  • Menntun og eða reynsla sem nýtist í starfi með börnum skilyrði
  • Framúrskarandi færni í samskiptum, frumkvæði í fjölbreyttri frístund innandyra sem utan og faglegur metnaður.
  • Góðir skipulagshæfileikar, ábyrgð og stundvísi.

    Laun eru samkvæmt samningi Sambands íslenskra sveitarfélaga við
    viðkomandi stéttarfélag.

    Allar nánari upplýsingar um ofangreind störf veitir Aðalbjörg
    Óskarsdóttir skólastjóri í síma 451-3436 eða í gegnum netfangið
    skoli@drangsnes.is

    Með umsóknum skal fylgja ferilskrá, meðmæli, vottorð um hreina
    sakaskrá og stutt greinargerð um ástæðu umsóknar.

    Umsóknarfrestur er til og með 26.júní 2020

Continue Reading

Skólaslit

Grunnskóla Drangsness var slitið í dag að viðstöddum góðum gestum. Nemendur sungu, fluttu ljóð og spiluðu. Grillaðar voru pulsur og hamborgarar sem viðstaddir gæddu sér á auk þess sem spilaður var brennibolti. En grunnskólinn tók þátt í hreyfiviku UMFÍ þar sem áhersla var lögð á brennibolta.

Starfsfólk þakkar nemendum, foreldrum, íbúum og öðrum velunnurum fyrir veturinn og hlakkar til næsta hausts.

Nemendur yngri deildar syngja fuglasöngva en þau hafa lært mjög mikið um íslenska fugla síðustu vikur.

Continue Reading

Skólaslit

Á morgun, föstudaginn 29. maí kl. 11:00, verða skólaslit í grunnskólanum. Þar munu verk eftir nemendur verða til sýnis, flutt verða ljóð, söngur og tónlistaratriði.

Þar sem Grunnskóli Drangsness tekur þátt í hreyfiviku UMFÍ verður einnig brennibolti á vellinum þar sem öll börn og fullorðnir eru hvött til að taka þátt og hafa gaman af . https://iceland.moveweek.eu/

Continue Reading

Skólamyndataka

Við skelltum í skólamynd síðastliðinn föstudag „tíundubekkingurinn okkar“ sem stundar nú nám við Menntaskólann á Akureyri fékk að vera með á myndinni.

Efri röð frá hægri: Sigurbjörg Halldóra (kríli frá MA) Aðalbjörg, Sara Lind, Jóhanna Engilráð, Kristjana Kría Lovísa, Marta Guðrún og Elín Agla.
Neðri röð frá hægri: Guðbjörg Ósk, Friðgeir Logi, Tomas og Mariana.

Continue Reading

Páskafrí!

Nemendur og starfsfólk munu hefja páskafrí í dag en hefð er fyrir því að árshátíð sé haldinn þennan dag en vegna ástandsins hefur henni verið frestað um óákveðin tíma.

Nemendur fóru þess í stað í páskaeggjaratleik og áttu svo notalegan morgun í skólanum. Vorið er komið í pásu en þau létu veðrið ekki hafa áhrif á sig og luku við allar þrautirnar.

Meðfylgjandi er myndband af yngstu nemendunum stíga dans á þessum apríldegi.

Við í Grunnskóla Drangsness óskum ykkur öllum gleðilegra páska og njótum þess að vera heima yfir hátíðarnar.

Continue Reading

Gestakomubann

Eftir tilmæli frá heilsugæslu þá mun frá og með deginum í dag og þar til samkomubanni verður aflétt mun ríkja gestakomubann í skólanum. Staðan verður metin að nýju eftir páska.

Ekki verður tekið á móti nýjum gestanemendum eða utanaðkomandi gestum á tímabilinu en öllum velkomið að hafa samband í síma 451-3436 og í gegnum netfangið skoli@drangsnes.is

Continue Reading

Skóli hefst að nýju miðvikudaginn 21. ágúst

Grunnskóli Drangsness verður settur miðvikudaginn 21. ágúst nk. en kennsla hefst skv. stundaskrá fimmtudaginn 22. ágúst. Foreldrar barna í 1.-4. bekk eru beðnir um að senda inn umsókn um vist í skólaseli hið fyrsta eða fyrir föstudaginn 16. ágúst. Við hvetjum foreldra einnig til þess að virkja lykilorð sitt að námsumsjónarkerfinu Námfúsi þar sem m.a. má fá aðgang að stundaskrám o.s.frv.

Við hlökkum til samstarfsins framundan, nýrra og spennandi verkefna á skólaárinu!

Með síðsumarkveðju

skólastjóri

Continue Reading